ಕಾರ್ಪೊರೇಟ್ ಸಾಮಾಜಿಕ ಜವಾಬ್ದಾರಿ

ಆಕಾಂಕ್ಷಾ ಯೋಜನೆ

ಸಂಹಿತಾದ ಕಲೆಕ್ಟಿವ್ ಗುಡ್ ಫೌಂಡೇಶನ್ (ಸಿಜಿಎಫ್)ಸಹಯೋಗದೊಂದಿಗೆ ಟಿಎಂಎಫ್‌ ತನ್ನ ಪ್ರಮುಖ ಕೌಶಲ್ಯ ಕಾರ್ಯಕ್ರಮ– ಆಕಾಂಕ್ಷಾವನ್ನು ಪ್ರಾರಂಭಿಸಿತು. ಈ ಕಾರ್ಯಕ್ರಮವು ರಾಷ್ಟ್ರೀಯ ಕೌಶಲ್ಯ ಭಾರತ ಮಿಷನ್‌ಗೆ    ಅನುಗುಣವಾಗಿದೆ ಮತ್ತು ದೇಶಾದ್ಯಂತ 25,000+ ಕ್ಕೂ ಹೆಚ್ಚು ಚಾಲಕರಿಗೆ ಸಂಬಂಧಿತ ಕೌಶಲ್ಯ ಆಧಾರಿತ ತರಬೇತಿಯನ್ನು ನೀಡುವ ಗುರಿಯನ್ನು ಹೊಂದಿದೆ. ಆರ್ಥಿಕ ಸಾಕ್ಷರತೆ, ರಸ್ತೆ ಸುರಕ್ಷತೆ, ಆರೋಗ್ಯ ಮತ್ತು ನೈರ್ಮಲ್ಯ, ವಾಣಿಜ್ಯೋದ್ಯಮ ಕೌಶಲ್ಯಗಳು, ಸಂವಹನ ಕೌಶಲ್ಯಗಳು, ಡಿಜಿಟಲ್ ಸಾಕ್ಷರತೆ, ಉದ್ಯೋಗ-ಸಂಬಂಧಿತ ಕೌಶಲ್ಯಗಳು, ಮತ್ತು ಹೆಚ್ಚಿನವುಗಳಿಗೆ ತರಬೇತಿಗಳನ್ನು ನೀಡುವ ಮೂಲಕ ಚಾಲಕ ಸಮುದಾಯವನ್ನು ಸಬಲೀಕರಣಗೊಳಿಸುವುದು ಈ ಯೋಜನೆಯ ಪ್ರಮುಖ ಉದ್ಡೇಶವಾಗಿದೆ. ಈ ಯೋಜನೆಯು ಚಾಲಕರ ಆರ್ಥಿಕ ಭವಿಷ್ಯವನ್ನು ಕಾಪಾಡಲು ಸಮಗ್ರ ಬಹು-ನಗರ ಉನ್ನತಿ ಮತ್ತು ನಗದು ಹರಿವು ನಿರ್ವಹಣಾ ಕಾರ್ಯಕ್ರಮವನ್ನು ನಡೆಸುವುದನ್ನು ಒಳಗೊಂಡಿದೆ. ಈ ಕಾರ್ಯಕ್ರಮವು ಶೈಕ್ಷಣಿಕ ಮತ್ತು ಪ್ರಾಯೋಗಿಕ ಸೆಷನ್‌ಗಳ ಸಂಯೋಜನೆಯಾಗಿದ್ದು ಸಂಬಂಧಿತ ಪರಿಣತಿಯನ್ನು ಪಡೆಯಲು ಚಾಲಕರಿಗೆ ಸಹಾಯ ಮಾಡುತ್ತದೆ.

‘ಆಕಾಂಕ್ಷಾ ಯೋಜನೆಯ’ ಮೂಲಕ, ಟಾಟಾ ಮೋಟಾರ್ಸ್ ಫೈನಾನ್ಸ್ ಮುಂಬರುವ ಅವಕಾಶಗಳನ್ನು ಬಳಸಿಕೊಳ್ಳಲು ಅಗತ್ಯವಿರುವ ಸಂಪನ್ಮೂಲದೊಂದಿಗೆ ಚಾಲಕ ಸಮುದಾಯವನ್ನು ಸಜ್ಜುಗೊಳಿಸುವ ಗುರಿಯನ್ನು ಹೊಂದಿದೆ. ವರ್ಷದಿಂದ ವರ್ಷಕ್ಕೆ ತರಬೇತಿಯ ಪ್ರಮಾಣವನ್ನು ಹೆಚ್ಚಿಸುವುದು ಮಾತ್ರವಲ್ಲದೆ ತರಬೇತಿಯ‌ ಗುಣಮಟ್ಟವನ್ನು ವೃದ್ಧಿಸುವ ಮೂಲಕ  ಪರಿಣಾಮವನ್ನು ಖಚಿತಪಡಿಸಿಕೊಳ್ಳುವುದು ಇದರ ಉದ್ದೇಶವಾಗಿದೆ. ಇದರಿಂದಾಗಿ ಚಾಲಕರು ಕೇವಲ ತಯಾರಾಗುವುದಿಲ್ಲ ಬದಲಾಗಿ ಯಾವುದೇ ಪರಿಸರದಲ್ಲಿ ಇನ್ನಷ್ಟು ಅಭಿವೃದ್ಧಿ ಹೊಂದಲು ಸಿದ್ಧರಾಗುತ್ತಾರೆ.  ಇಲ್ಲಿಯವರೆಗೆ ಅಂಬಾಲಾ, ಅನುಪ್ಪುರ್, ಭೋಜ್ಪುರ, ಗುವಾಹಟಿ, ಗ್ವಾಲಿಯರ್, ಹೈದರಾಬಾದ್, ಲಖಿಂಪುರ್, ಲಕ್ನೋ, ಮುಂಬೈ, ಮುಜಾಫರ್ಪುರ, ನಮ್ಮಕ್ಕಲ್, ಪಾಟ್ನಾ, ಪುಣೆ, ವೈಜಾಗ್ ಮತ್ತು ವಿಜಯವಾಡ ಎಂಬ 15 ನಗರಗಳಲ್ಲಿ 8000 ಕ್ಕೂ ಹೆಚ್ಚು ಚಾಲಕರಿಗೆ ತರಬೇತಿ ನೀಡಲಾಗಿದೆ.

ಆಕಾಂಕ್ಷಾ ಯೋಜನೆಯು ಜ್ಞಾನವನ್ನು ಹೆಚ್ಚಿಸಲು, ಬೆಳವಣಿಗೆಯ ಅಡೆತಡೆಗಳನ್ನು ಪರಿಹರಿಸಲು ಮತ್ತು ಈ ಕೆಳಗಿನ ಕೇಂದ್ರೀಕೃತ ಕ್ಷೇತ್ರಗಳ ಮೂಲಕ ಚಾಲಕ ಸಮುದಾಯವನ್ನು ಬಲಪಡಿಸುವ ಗುರಿಯನ್ನು ಹೊಂದಿದೆ

• ಆರ್ಥಿಕ ಸಾಕ್ಷರತೆ: ಆರ್ಥಿಕ ಜಾಣ್ಮೆ ಮತ್ತು ಶಿಸ್ತನ್ನು ಅಭಿವೃದ್ಧಿಪಡಿಸುವ ಬಗ್ಗೆ ಅವರನ್ನು ಸೂಕ್ಷ್ಮಗ್ರಾಹಿಯನ್ನಾಗಿಸುವುದು ಮತ್ತು ತರಬೇತಿ ನೀಡುವುದು.
• ಉದ್ಯಮಶೀಲತಾ ಕೌಶಲ್ಯಗಳು
• ವ್ಯವಹಾರಕ್ಕಾಗಿ ಸಂವಹನಾ ಕೌಶಲ್ಯಮತ್ತು ಉದ್ಯೋಗಾಹೃತೆಯನ್ನು ಹೆಚ್ಚಿಸುವುದು.
• ಡಿಜಿಟಲ್ ಸಾಕ್ಷರತೆ: ಡಿಜಿಟಲ್ ಪರಿಕರಗಳ ಮೂಲಕ ಅವರ ಖರ್ಚುಗಳನ್ನು ಟ್ರ್ಯಾಕ್ ಮಾಡಲು ಮತ್ತು ನಿರ್ವಹಿಸಲು ಅವರಿಗೆ ಅನುವು ಮಾಡಿಕೊಡುವುದು.
• ಉದ್ಯೋಗ ಸಂಬಂಧಿತ: ರಸ್ತೆ ಸುರಕ್ಷತೆ, ಮಾದಕ ದ್ರವ್ಯ ಸೇವನೆ, ಆರೋಗ್ಯ ಮತ್ತು ಸ್ವಾಸ್ಥ್ಯ.