ଟିଏମ୍ଏଫ୍ ରେ ଜୀବନ

ଟାଟା ମୋଟର୍ସ ଫାଇନାନ୍ସରେ, ବିଭିନ୍ନ ସାଂଗଠନିକ ହସ୍ତକ୍ଷେପ ଆମକୁ ଉଚ୍ଚ ପ୍ରଦର୍ଶନ କାର୍ଯ୍ୟସଂସ୍କୃତିକୁ କାର୍ଯ୍ୟକାରୀ କରିବାରେ ସହାୟତା କରିଥାଏ। ଆମେ ନିଜକୁ ‘ଉଲ୍‌‌ଫପ୍ୟାକ୍’ କହିଥାଉ। ଉଚ୍ଚ ଆବେଗ, ବାଧାହୀନ ସହଯୋଗ ଏବଂ ଜିତିବାର ମନୋଭାବ ସହିତ ମିଳିମିଶି କାର୍ଯ୍ୟ କରିବା ପାଇଁ ଏହା କର୍ମଚାରୀମାନଙ୍କୁ ପ୍ରେରଣା ଯୋଗାଇଥାଏ। ଏହି ଉଲ୍‌‌‌ଫପ୍ୟାକ୍ ‘ମିଳିମିଶି କାମ କରିବା, ମିଳିମିଶି ଶିକାର କରିବା, ମିଳିମିଶି ଜିତିବା, ଏକଜୁଟ ହୋଇ ଛିଡ଼ା ହେବା ଏବଂ ମିଳିମିଶି ଅଭିବୃଦ୍ଧି ହାସଲ’ କରିବାର ଭାବନା ସହିତ କାମ କରିଥାଏ।.

ଉଲ୍‌‌ଫପ୍ୟାକ୍ ପରିବାରର ଆମର ଅବଧାରଣା 2017 ମସିହାରେ ଆରମ୍ଭ ହୋଇଥିଲା। ଏହାର ଲକ୍ଷ୍ୟ ଥିଲା ନିରନ୍ତର ଭାବେ ଏପରି ଏକ ଅନୁକୂଳ କାର୍ଯ୍ୟ ପରିବେଶ ଏବଂ ସଂସ୍କୃତି ସୃଷ୍ଟି କରିବା, ଯେଉଁଠି ସଫଳତା ପ୍ରାପ୍ତି ଅବଶ୍ୟମ୍ଭାବୀ ହୋଇଯିବ! ଏହି ଅବଧାରଣାରେ ଆମେ ଆମ ଟିମ୍ ରେ ଚାହୁଁଥିବା ଲକ୍ଷଣଗୁଡ଼ିକୁ ରେଖାଙ୍କିତ କରାଯାଇଥିଲା, ଯାହାଦ୍ୱାରା ଆମେ ଆହ୍ୱାନପୂର୍ଣ୍ଣ ସମୟ ଏବଂ ପରିବର୍ତ୍ତନଶୀଳ ପରିସ୍ଥିତି ଅନୁଯାୟୀ ଖାପ ଖୁଆଇପାରିବା, ନିଜକୁ ଏକ କର୍ମତତ୍ପର ଏବଂ ସୁଦୃଢ଼ ଟିମ୍ ଭାବେ ଗଢ଼ିତୋଳିପାରିବା। ଉଲ୍‌‌ଫପ୍ୟାକ୍ ପରିବାରର ଅବଧାରଣା ନେତୃତ୍ୱ ଉପରେ ଭରସା ଏବଂ ବିଶ୍ୱାସକୁ ବିକଶିତ କରିବା ଏବଂ କର୍ମଚାରୀମାନଙ୍କ ମଧ୍ୟରେ ଦଳଗତ ମାଲିକାନା ଓ ଆପଣାପଣିଆର ଭାବନାକୁ ଜାଗ୍ରତ କରିବାରେ ସହାୟତା କରିଥାଏ।.

ଆାମେ ବିଶ୍ୱାସ କରୁ ଯେ, ଜଣେ ସୁସ୍ଥ କର୍ମଚାରୀ ଜଣେ ସୁଖୀ କର୍ମଚାରୀ ହୋଇଥାନ୍ତି ଏବଂ ଜଣେ ସୁଖୀ କର୍ମଚାରୀ ଜଣେ ଉତ୍ପାଦକ କର୍ମଚାରୀ ହୋଇଥାନ୍ତି। ଯଦି ସମସ୍ତେ ନିଜର ସୁସ୍ୱାସ୍ଥ୍ୟର ଲକ୍ଷ୍ୟପଥରେ ଅଟଳ ରୁହନ୍ତି, ତେବେ ଏକ ସଂଗଠନ ଭାବେ ଆମେ ଫିଟ୍ ହୋଇଯାଇଥାଉ!

ଆମର କଲ୍ୟାଣ ପଦକ୍ଷେପକୁ ‘‘ଏକ୍ଟିଭ୍ ପ୍ଲସ୍’’ କୁହାଯାଏ ଏବଂ ଏହି କାର୍ଯ୍ୟକ୍ରମ ଅଧୀନରେ ଗ୍ରହଣ କରାଯାଇଥିବା ପଦକ୍ଷେପଗୁଡ଼ିକ କର୍ମଚାରୀମାନଙ୍କୁ ଏକ ‘‘ସକ୍ରିୟ’’ ଜୀବନ ଜିଇଁବା ନିମନ୍ତେ ପ୍ରୋତ୍ସାହିତ କରିବା ଉପରେ ଜୋର୍ ଦେଇଥାଏ।.

#TMFisFit – ଆମର ଅନନ୍ୟ କଲ୍ୟାଣ କାର୍ଯ୍ୟକ୍ରମ ଅଟେ, ଯାହା ଆମର କର୍ମଚାରୀ ଅର୍ଥାତ୍ ଉଲ୍‌‌ଫପ୍ୟାକ୍ ର ସାମଗ୍ରିକ ସୁସ୍ୱାସ୍ଥ୍ୟ ଉପରେ କେନ୍ଦ୍ରିତ ଅଟେ। ସଚେତନତା ସୃଷ୍ଟି କରିବା ଏବଂ ସକ୍ରିୟ ଜୀବନକୁ ଏକ ଆକର୍ଷଣୀୟ ଉପାୟରେ ସୁବିଧାଜନକ କରାଯାଇ ଏହି ଲକ୍ଷ୍ୟକୁ ହାସଲ କରାଯାଇଥାଏ। ବ୍ୟକ୍ତିଗତ ସ୍ୱାସ୍ଥ୍ୟ ଲକ୍ଷ୍ୟକୁ ହାସଲ କରିବା ପାଇଁ ଏକ ଦଳ ଭାବେ କାର୍ଯ୍ୟ କରିବା ପାଇଁ କର୍ମଚାରୀମାନଙ୍କୁ ପ୍ରୋତ୍ସାହିତ କରାଯାଏ। ମାରାଥନ୍, ଧ୍ୟାନ, ଯୋଗ, ଫିଟନେସ୍ ଚ୍ୟାଲେଞ୍ଜ, ସ୍ୱାସ୍ଥ୍ୟ ପରୀକ୍ଷା, ଡିଜିଟାଲ କୋଚ୍ କର୍ମଚାରୀମାନଙ୍କୁ ସେମାନଙ୍କର ଫିଟନେସ୍ ଲକ୍ଷ୍ୟରେ ପହଞ୍ଚିବାରେ ସହାୟତା କରିଥାନ୍ତି।.

ଟାଟା ମୋଟର୍ସ ଫାଇନାନ୍ସର, ଆମେ କର୍ମଚାରୀମାନଙ୍କୁ ସେମାନଙ୍କର ସାମଗ୍ରିକ କଲ୍ୟାଣ, ଉଭୟ ମାନସିକ ଏବଂ ଶାରୀରିକ, ପ୍ରତି ପ୍ରତିବଦ୍ଧ ରହିବା ପାଇଁ ପ୍ରୋତ୍ସାହିତ କରିଥାଉ; ଯାହା ସେମାନଙ୍କୁ ଦୀର୍ଘାୟୁ କରିବା ସହିତ ଏକ ସ୍ୱାସ୍ଥ୍ୟକର ଜୀବନ ଜିଇଁବାରେ ସହାୟତା କରିଥାଏ।.

ଯଦିଓ ଆମେ କଠିନ ପରିଶ୍ରମ କରୁ, କିନ୍ତୁ କାର୍ଯ୍ୟକ୍ଷେତ୍ରରେ ମଉଜ କରିବାର ସୁଯୋଗକୁ ମଧ୍ୟ ଆମେ ହାତଛଡ଼ା କରି ନ ଥାଉ! ଆମର କର୍ମଚାରୀ ସଂଶ୍ଳିଷ୍ଟତା ପଦକ୍ଷେପକୁ ‘‘ଟିଜିଆଇଏଫ୍ ଏବଂ ଶାନଦାର ଶନିବାର’’ କୁହାଯାଏ। ଏହା ସୁନିଶ୍ଚିତ କରିଥାଏ ଯେ, ଆମ ପ୍ରତ୍ୟେକଙ୍କ ପାଇଁ ମନୋରଞ୍ଜନର କିଛି ନା କିଛି ବ୍ୟବସ୍ଥା ରହିଛି। ଲୋକମାନଙ୍କ ମଧ୍ୟରେ ତାଳମେଳ ଏବଂ ଭ୍ରାତୃଭାବକୁ ପ୍ରୋତ୍ସାହିତ କରିବା ପାଇଁ ଆମେ ନିୟମିତ ଭାବେ ବିଭିନ୍ନ ପର୍ବପର୍ବାଣି ପାଳନ କରିଥାଉ। ଆମେ କର୍ମଚାରୀଙ୍କ ବିବାହ, କର୍ମଚାରୀଙ୍କ ପିଲାଙ୍କ ଶିକ୍ଷାଗତ କୃତିତ୍ୱ, ମହିଳା ଦିବସ ଇତ୍ୟାଦି ସ୍ୱତନ୍ତ୍ର ମୁହୂର୍ତ୍ତଗୁଡ଼ିକୁ ମଧ୍ୟ ଆମେ ପାଳନ କରିଥାଉ।

ଆମର ଏଲ୍ ଏଣ୍ଡ ଡି (ଶିକ୍ଷା ଓ ବିକାଶ) ମିଶ୍ରିତ ଶିକ୍ଷା ରୋଡ୍-ମ୍ୟାପ୍ ମାଧ୍ୟମରେ ସାମର୍ଥ୍ୟ ବିକାଶ ଉପରେ କେନ୍ଦ୍ରିତ ଅଟେ, ଯାହା ମଧ୍ୟରେ ଇ-ଶିକ୍ଷା, ମାଇକ୍ରୋ ମୋବାଇଲ ଶିକ୍ଷା ଆପ୍ଲିକେଶନ୍ ଏବଂ ଢାଞ୍ଚାଗତ ଶିକ୍ଷା ହସ୍ତକ୍ଷେପ ଅନ୍ତର୍ଭୁକ୍ତ ଅଟେ। ଆମର ନେତୃବର୍ଗଙ୍କୁ ଆଗକୁ ବଢ଼ିବା ଏବଂ ଉଚ୍ଚତର ଭୂମିକାକୁ ଗ୍ରହଣ କରିବା ପାଇଁ ପ୍ରୋତ୍ସାହନ, ପ୍ରଶିକ୍ଷଣ ଓ ପ୍ରସ୍ତୁତ କରି ଏକ ମଜବୁତ ନେତୃତ୍ୱ ପାଇପଲାଇନ୍ ଗଢ଼ିବା ଆମର ଲକ୍ଷ୍ୟ ଅଟେ। ନିରବଚ୍ଛିନ୍ନ ଶିକ୍ଷାର ସଂସ୍କୃତି ଗଢ଼ିବା ପାଇଁ, ଆମେ ଆମ ଇନ୍-ହାଉସ୍ ଶିକ୍ଷା ବିଶେଷଜ୍ଞ ‘ଦ୍ରୋଣ’ଙ୍କ ମାଧ୍ୟମରେ ଆମ କର୍ମଚାରୀମାନଙ୍କର କାର୍ଯ୍ୟଗତ ଏବଂ ବୈଷୟିକ ଦକ୍ଷତାକୁ ବୃଦ୍ଧି କରିଥାଉ।.

ଅଭିନବତା ଏବଂ ସୃଜନଶୀଳତା ଆମର ମୂଳ ମୂଲ୍ୟବୋଧର ଅଂଶବିଶେଷ ଅଟେ ଏବଂ ଆମର ସଂରଚନାତ୍ମକ ଟିଏମ୍ଏଫ୍ ଅଭିନବତା କାର୍ଯ୍ୟକ୍ରମ ସହିତ ଆମେ ‘‘ବିଚାର ଏବଂ ଯୋଗଦାନ’ର ସଂସ୍କୃତିକୁ ପ୍ରୋତ୍ସାହନ ଯୋଗାଇଥାଉ ଏବଂ ଭବିଷ୍ୟତର ପ୍ରକଳ୍ପଗୁଡ଼ିକୁ ଉନ୍ନତ/ଅଭିନବ କରିବା ପାଇଁ ଆଉଟ୍-ଅଫ୍-ବକ୍ସ ବିଚାର ବା ଆଇଡିଆଗୁଡ଼ିକୁ ଉତ୍ସାହିତ କରିଥାଉ।.